უმაღლესი ხარისხის ევროპული ფარმაცევტული პროდუქტების ლიდერი დისტრიბუტორი საქართველოში

შპს ვორლდ ფარმა, როგორც ძირითადად დასავლეთ ევროპული ფარმაცევტული პროდუქტების ექსკლუზიური დისტრიბუტორი კომპანია, დაარსდა 2013 წლის 18 აპრილს ქ.თბილისში, საქართველო.

თავდაპირველად, კომპანიაში დასაქმებული იყო სამი თანამშრომელი, რომელთა მაღალი პროფესიონალიზმით, ერთგულებით, ენთუზიაზმით და სწორი პოლიტიკით ვორლდ ფარმა-მ შესძლო დროის მცირე მონაკვეთში მოეპოვებინა მაღალი ნდობა და რეპუტაცია, როგორც ადგილობრივ, ასევე საერთაშორისო პარტნიორებში, მიზნობრივ სეგმენტში და მაღალკონკურენტულ ფარმაცევტულ ბაზარზე შესძლო საკუთარი თავის დამკვიდრება.

ვორლდ ფარმა-მ ნაბიჯ-ნაბიჯ გააფართოვა მოქმედების არეალი და მოიცვა ქვეყნის ძირითადი მსხვილი ქალაქები: თბილისი, ქუთაისი, ბათუმი, რუსთავი.  კომპანიის მცირერიცხოვან გუნდს შემატა ახალი პროფესიონალი კადრები და აჟამად მათი რაოდენობა 22 თანამშრომელს ითვლის.

დღეს “ვორლდ ფარმა“ წარმოადგენს დინამიურად მზარდ და ერთ-ერთ წამყვან ქართულ ფარმაცევტულ კომპანიას ქალთა ჯანმრთელობის ზრუნვის სეგმენტში. კომპანია მუდმივად ცდილობს გაზარდოს თავისი მოქმედების არეალი, შეიძინოს ახალი პარტნიორები, აღმოაჩინოს ახალი მიზნობრივი სეგმენტი, გაამრავალფეროვნოს პროდუქციის ჩამონათვალი და რაც მთავარია, ყველაფერ ამას აკეთებს ხარისხის და კორპორატიული პოლიტიკის შენარჩუნების და გაუმჯობესების პარალელურად.

კომპანიის მიზნობრივ სეგმენტს წარმოადგენს მეან-გინეკოლოგია და რეპროდუქტოლოგია და თავისი უმაღლესი ხარისხის და ინოვაციური პროდუქციით ხელს უწყობს ქალთა რეპროდუქციული ჯანმრთელობის გაუმჯობესებას და მის შენარჩუნებას.

კომპანიის ძირითად საქმიანობის სფეროს მიეკუთვნება ფარმაცევტული პროდუქციის რეგისტრაცია, შესყიდვა, იმპორტი, დისტრიბუცია და მარკეტინგი.

კომპანიის პროდუქციის პორტფოლიო მოიცავს, როგორც ფარმაცევტულ პროდუტებს, ასევე საკვებ დანამატებს და სამედიცინო დანიშნულების საგნებს.